Me urdhër të SPAK, është arrestuar një tjetër shqiptar pjesë e një grupi kriminal të trafikimit të drogërave të forta në vendet e BE-së. Bëhet fjalë për shtetasin me inicialet N.N, i dyshuar për kryerjen e veprave penale të “Trafikimit të narkotikëve”, kryer në bashkëpunim në formën e grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”. Arrestimi vjen në kuadër të bashkëpunimit sa I takon hetimeve të kryera në Danimarkë në lidhje me “Operacionin Goldfinger” të zhvilluar gjatë viteve 2018-2019, ku disa shqiptarë dyshohet se kanë trafikuar kokainë dhe marijuanë në disa shetete të Bashkimit Europian. Pak ditë më parë, SPAK arrestoi dhe dy shtetas të tjerë shqiptarë me inicialet K.D dhe A.M. Sipas hetimeve nga autoritetet daneze, drejtues i grupit është shtetasi Jetmir Kastrati i njohur edhe me emrin Sokol Krasniqi.