India është përgatitur që të bëhet vendi i parë në botë që arrin ta ulë një anije kozmike në polin jugor të Hënës, disa ditë pasi një sondë ruse u rrëzua në të njëjtin rajon. Kjo përpjekje për udhëtim në Hënë është një moment historik për vendin më të populluar në botë, pasi India kështu po u afrohet arritjeve historike te fuqive globale hapësinore. Chandrayaan-3 është planifikuar të arrijë pranë polit jugor të hënës pak të eksploruar gjatë të mërkurës. “India shkon drejt Hënës”, shkruante The Times of India, me shkronja të mëdha në faqen e parë të saj. “Është D-Day për Misionin e Hënës”, shkruante Hindustan Times. Një përpjekje e mëparshme e Indisë për këtë mision kishte dështuar në vitin 2019. Përpjekja e re vjen vetëm disa ditë pasi misioni i parë i Rusisë në Hënë në pothuajse 50 vjet, i destinuar për të njëjtin rajon, u rrëzua në sipërfaqen hënore.