Frika e një lufte të përgjithshme po rritet midis rivalëve të armatosur me armë bërthamore, Indisë dhe Pakistanit, pas një nate të përgjakshme sulmesh me raketa, rrëzime avionësh dhe sulmesh vdekjeprurëse me armë zjarri. Të paktën 11 persona - përfshirë dy fëmijë - u vranë pasi avionët luftarakë indianë kryen sulme ajrore ndaj objektivave në Pakistan. Të shtëna pati gjithashtu përgjatë Vijës së Kontrollit në Kashmir. Kryeministri i Pakistanit i quajti sulmet një "akt lufte" - duke u zotuar për një përgjigje të fuqishme. Forcat e armatosura indiane thanë se kishin nisur "Operacionin Sindoor" mbi infrastrukturën nga ku "janë planifikuar dhe drejtuar sulme terroriste kundër Indisë". Neë Dehli gjithashtu pretendon se 70 terroristë u vranë në nëntë kampe terroriste. Pakistani tha se raketat goditën nëntë vende në tre rajone në Kashmirin e administruar nga Pakistani dhe provincën lindore Punjab të vendit menjëherë pas mesnatës. Ushtria tha se të paktën tetë persona ishin vrarë, përfshirë një fëmijë në një xhami në Bahaëalpur, dhe të paktën 35 të tjerë ishin plagosur. Ministria e Mbrojtjes së Indisë tha se sulmet ishin hakmarrje ndaj të shtënave masive në Kashmir muajin e kaluar, kur 26 persona u vranë. India fajëson Pakistanin për të shtënat - por ky i fundit mohon çdo përfshirje.