Një incident ka ndodhur ditën e sotme gjatë konferencës së mbajtur nga kryetari i komanduar i PD-së Enkelejd Alibeaj. Teksa ai po fliste, në sallë janë dëgjuar të bërtitura nga një grua, dhe është dashur ndërhyrja e rojeve për ta larguar që aty. Teksa kryetari i komanduar i Partisë Demokratike Enkelejd Alibeaj po mbante fjalën e tij në selinë e PD, një prej mbështetëseve të Sali Berishës i ka ndërprerë fjalimin duke thirrur me tone të larta. Ajo është afruar pranë gazetarëve në momentin kur ai po thoshte se PD nuk mund të ketë në krye një person të shpallur non grata nga SHBA. Ende nuk dihet arsyeja e këtij incidenti.