Kryedemokrati Sali Berisha reagoi pas refuzimit të kërkesës së SPAK nga ana e Partisë Socialiste për dhënien e autorizimit për arrestimin e Belinda Ballukut. Në një dalje për mediat, ai tha se tashmë i takon sovranit të marrë drejtësinë në dorë dhe se duhet të ndërhyjë me mjete demokratike, duke e konsideruar vendimin e PS si një sulm ndaj drejtësisë dhe qytetarëve. ‘Në rast se ekzekutivi me kartonat e krimit vendos të mos pranojë vendimet e drejtësisë, i përket sovranit dhe jo drejtësisë, të thotë fjalën e vetë. Drejtësia e tëra është një trupë 300-1 mijë. Të gjitha hallkat e tjera janë në duart e ekzekutivit.Ndaj është sovrani që duhet të ndërhyjë me mjetet demokratike, për të bërë të mundur ushtrimin e pushtetit gjyqësor në Shqipëri..’ Sipas kreu të PD, Rama i ka mbyllur dyert e integrimit në Bashkimin Evropian Shqipërisë. ‘I bllokon proceset integruese. Absolutisht, i bllokon. Kështu që për të dëmtuar, e dëmton në mënyrë palcore, por ju e morët vesh, Shqipëria si asnjë vend tjetër në planet hyri edhe në platformat e basteve, në Polymarket nëse do mbijetojë Rama vitin 2026 apo nuk do mbijetojë.Unë u them atyre që vunë bastin që nuk mbijeton, do e fitoni bastin. Shqiptarët do i japin duart Edi Ramës shumë shpejt’