Presidenti Joe Biden ka kritikuar vendimin e Gjykatës së Lartë mbi imunitetin presidencial ndaj ish Presidentit Donald Trump, duke e cilësuar një precedent të rrezikshëm në dëm të popullit amerikan. Nga Shtëpia e Bardhë Biden tha se vendimi nënkupton se ka mundësi që Trump të dalë në gjyq përpara zgjedhjeve të 5 nëntorit për rolin e tij për të përmbysur rezultatin e zgjedhjeve të vitit 2020. "Ky komb u themelua mbi parimin se nuk ka mbretër në Amerikë. Askush nuk është mbi ligjin, as Presidenti i Shteteve të Bashkuara”, tha zoti Biden. Me vendimin e Gjykatës së Lartë, tha ai “kjo ka ndryshuar rrënjësisht”. Në vendimin e së hënës, Gjykata e Lartë u shpreh se ish-presidentët kanë imunitet absolut nga hetimet për veprimet e tyre zyrtare, si dhe asnjë lloj imuniteti për veprimet jozyrtare. Presidenti Joe Biden po kandidon për një mandat tjetër