Ilyricim Trail, një projekt i inicuar nga Këshilli i Bashkëpunimi Rajonal dhe Financuar nga Bashkimi Europian në bashkëpunim operatori turistik shqiptar Explorer Travel & Tour, mblodhi bashkë operatorë turistikë nga Shqipëria, Maqedonia, Mali i zi dhe Bosnjë Hercegovina. Itinerari në fjalë kishte në fokus turzimin arkeologjik dhe historik të asaj periudhe që njihet si trashëgimia e perandorisë romake. Ilyricm Trail, synon të na kthejë pas në kohë duke i mundësuar udhëtarit të përjetojë ndjesitë dhe gjurmët që ky qytetërim ka lënë në një territor që romakët e quajtën Illyricum nga pikëpamja administrative dhe përkon me rajonin gjeografik të Ballkanit Perëndimor. Illiricum Trail, i realizuar ne kushtete veshtira te pandemise se covid 19, në këtë hap të parë promovoi 9 site arkeologjike të vendosura në 4 shtete të Ballkanit Perëndimor, ku secila përveç asaj që i bashkon si pjesë e trashëgimisë të periudhës së vonë romake, mbart edhe specifikat e historinë e tyre.