Orët e fundit të Ilir Metës në krye të institucionit të presidencës, janë shoqëruar me një mesazh drejtuar qytetarëve shqiptarë. Pesë vite pas betimit në Kuvend dhe marrjes në dorëzim të Kushtetutë së Shqipërisë, Ilir Meta tashmë heq kostumin e presidentit për t’u rikthyer sërish në arenën politike. Meta mbyll një kapitull të gjatë presidencial, me dekrete për kthim ligjesh, përplasje me qeverinë në dyert e gjyqësorit apo edhe me diplomatët e huaj. Në përfundim të mandatit të tij presidencial, Ilir Meta publikoi një foto nga familja presidenciale, duke shprehur mesazhin e tij të fundit si president i republikës. Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë. Uroj për atdheun dhe kombin tonë më të mirën! Paqe dhe mbarësi për çdo familje shqiptare! Zoti e bekoftë Shqipërinë!’ – shkruan Meta në Facebook.