Pavarësisht reduktimit të numrit të tyre, kabinat e kuqe telefonike mund të shihen ende në shumë vende në të gjithë Mbretërinë e Bashkuar ndërkohë që ikonat kulturore kremtojnë njëqind vjetorin e tyre. Kur njerëzit mendojnë për Britaninë e Madhe, shumëkush mendon për autobusët e kuq me dy kate, Beatles-at ose Buckingham Palace, ndërsa të tjerë mund të mendojnë për peshkun me patate të skuquara, pub-et etj. Megjithatë, ndoshta imazhi më ikonik mbeten kabinat tradicionale të kuqe të telefonit, që kanë arritur të mbijetojnë, pavarësisht përdorimit të tyre të rrallë në Britaninë moderne. Në të vërtetë numri i kabinave telefonike në të gjithë Mbretërinë e Bashkuar është zvogëluar pesëfish vitet e fundit, sipas British Telecom (BT). Vetëm 3.000 kabina tradicionale të kuqe kanë mbetur. Nën kërcënimin ekzistencial, fillimisht për shkak të celularëve, dhe akoma më shumë kur telefonat inteligjentë filluan të dominojnë jetën tonë, në vitin 2008 British Telecom prezantoi programin "Adopto një kabinë", me më shumë se 7200 kabina telefonike të marra nga komunitetet në të gjithë Mbretërinë e Bashkuar për vetëm 1 paund secila.