Policia ka identifikuar eshtrat e gjetura të martën në fshatin Xarrë të Konispolit. Ato janë të 53-vjeçarit Adnant Jaupi nga Elbasani, që në këtë zonë punonte si bari. Identifikimi u krye nga mjekësia ligjore, por edhe pas hetimit nga policia e Sarandës. 53-vjeçari Adnant Jaupi kishte rreth 2-3 muaj që ishte zhdukur. Për këtë ishin interesuar edhe familjarë të tij. Nga hetimi nuk konstatohen shenja goditjeje me mjete te forta apo plumbi ku për pasojë t’i kishte ardhur vdekja. Vendi ku u gjet trupi i tij, fillimisht koka dhe pastaj trupi i dekompozuar por i pa groposur u gjet i fshehur në një tunel me gjerësi rreth 1 metër dhe gjatësi 3 metra. Sipas burimeve mësohet se vdekja mund të ketë qenë për shkaqe natyrale. Fillimisht u dyshua se kufoma mund t’i përkiste njerit prej të zhdukurve në 7 prill të këtij viti, Leonard Theodhori dhe Fatmir Sulovari, që të dy nga 46 vjeç.