Top News/ Ia konfiskoi Iranit, i çon në Ukrainë / SHBA dërgon mijëra armë, raketalëshues e municione

SHBA transferoi mijëra armë automatike, pushkë snajper, raketahedhës dhe qindra e mijëra fishekë të sekuestruara nga Irani, në Ukrainë, javën e kaluar, njoftoi të martën Komanda Qendrore amerikane. Ukraina po vuan nga mungesa e armëve dhe municioneve në fushëbetejë, në luftën e saj kundër Rusisë, me Shtetet e Bashkuara që nuk janë në gjendje të dërgojnë më shumë ndihma ushtarake nga rezervat e veta për sa kohë që nuk janë miratuar fondet e bllokuara në kongres. Komanda qendrore amerikane tha se materialet e transferuara në Ukrainë janë të mjaftueshme për të armatosur një brigadë ukrainase me rreth 4 mijë trupa.