Gjykata e Elbasanit ka lënë në burg Poli Boriçin, 52-vjeçarin që tentoi të vriste Ermir Kertezin në një lokal në Elbasan. Para togave të zeza, ai ka deklaruar se nuk kishte si qëllim që ta vriste, por vetëm ta frikësonte. Megjithatë, sipas pamjeve të siguruara, autori ndjek me sy Kërtezin, i cili fillimisht ndodhej në local, dhe sapo del në ambientet e jashtme, Boriçi ngrihet nga tavolina, nxjerr nga çanta armën e zjarrit dhe ia vë në kokë. Fatmirësisht, arma I është bllokuar, duke bërë që të mos regjistrohej asnjë e shtënë, ndërsa objektivi përpiqet ta neutralizojë dhe largohet me shpëjtësi. Ngjarja ndodhi rreth orës 12:40 të së shtunës në një lokal në hyrje të qytetit të Elbasanit, i cili në ato momente ishte plot me qytetarë. Ndërkohë, më herët, 52-vjeçari ka theksuar se shkak i ngjarjes ishte një konflikt I hershëm, pasi Kërtezi kishte plagosur vëllanë e tij.