Banorët e Gazës kundërshtuan planin e Presidentit të SHBA Donald Trump për të marrë kontrollin e Rripit të Gazës dhe për të zhvendosur palestinezët diku tjetër, duke u zotuar se nuk do të largohen kurrë nga rrënojat e shtëpive të tyre në enklavën bregdetare që Trump dëshiron ta shndërrojë në një "rivierë të Lindjes së Mesme". "Trump mund të shkojë në ferr, me idetë e tij, me paratë e tij dhe me besimet e tij. Ne nuk shkojmë askund. Ne nuk jemi pronë e tij. Nëse ai dëshiron të zgjidhë këtë konflikt, ai duhet të marrë izraelitët dhe t'i vendosë në një nga shtetet e tjera, ti cojë në Amerikë. Ata janë të huaj, jo palestinezët. Ne jemi pronarët e tokës" Trump tha se ai parashikonte ndërtimin e një resorti ku komunitetet ndërkombëtare mund të jetonin pas mbi 15 muajsh bombardimesh izraelite që shkatërruan enklavën e vogël bregdetare dhe vranë më shumë se 47,000 njerëz. Por, banorët e Gazës thonë se as lufta dhe as bombat nuk kishin mundur t’i dëbonin ata nga shtëpitë e tyre, dhe as Trump nuk do të mund ta bëjë këtë.