Një 30 vjecar është vënë në pranganga policia e Shkodrës, pasi akuzohet për vrasje me dashje dhe armëmbajtje pa leje. Bëhet fjalë për shtetasin Luverdo Kola. Në një deklaratë për mediat, policia u shpreh se Kola, është drejtuesi i një grupi kriminal. Shërbimet policore njohtuan se gjatë kontrollit fizik të ushtruar ndaj tij, u bë e mundur sekuestrimi e një arme zjarri pistoletë që ky shtetas e mbante me vete si dhe u sekuestruan 80 kilogramë lëndë narkotike cannabis sativa dhe një sasi municioni luftarak. 30 vjecari ishte i shpallur në kërkim, pasi Gjykata e Shkallës së Parë Shkodër, më datë 23.09.2020, i ka vendosur masën “Arrest në burg” për veprat penale “Vrasja me dashje” e mbetur në tentativë dhe “Armëmbajtja pa leje”. Po ashtu, u shpall në kërkim edhe njëri prej bashkëpunëtorëve të tij, shtetasi Gezim Çakaj 52 vjeç, banues në Malësi të Madhe. 52 vjecari është dënuar nga Gjykata e Apleit Shkodër me 4 vite burgim për veprat penale “Kultivimi i bimëve narkotike” dhe “Prodhimi dhe shitja e narkotikëve” kryer në bashkëpunim.Materialet do t’i kalojnë Prokurorisë së Rrethit Gjyqësor Shkodër, për veprime të mëtejshme.