Në kuadër të megaoperacionit “Tempulli”, ka rënë në pranga nga policia e Vlorws shtetasi Shkëlzen Zykaj, banues në Selenicë I riu ishte shpallur në kërkim, pasi Gjykata e Vlorës, i ka caktuar masën e sigurisë “Arrest në burg”, për prodhim dhe shitje të lëndëve narkotikëve. Ky operacion është realizuar nga specialistët e Seksionit për Hetimin e Narkotikëve të Drejtorisë Vendore të Policisë Vlorë, të cilët kanë siguruar informacione nga inteligjenca policore, për vendndodhjen e shtetasit Shkëlzen Zykaj, ku më pas bënë të mundur edhe arrestimin e tij. Materialet procedurale i kaluan Prokurorisë Vlorë, për veprime të mëtejshme. Ndërkohë vijon puna për lokalizimin dhe kapjen e shtetasve të tjerë të shpallur në kërkim në kuadër të megaoperacionit “Tempulli”, ku deri tani janë arrestuar qindra persona.