Që nga themelimi i tij, Izraeli ka qenë i rrethuar nga armiq. Me disa është sot në luftë, me të tjerë marrëdhëniet janë përmirësuar. Egjipti ishte vendi i parë arab që njohu zyrtarisht Izraelin. Më parë, pas krijimit të Izraelit në vitin 1948, të dy vendet ishin në luftë për dekada. Izraeli dhe Egjipti nënshkruan një traktat paqeje në 1979, i cili, ndër të tjera, i ktheu Gadishullin Sinai Egjiptit. Ndërsa Izraelit iu dha kalimi i duhur i anijeve të tij nëpër ujërat ndërkombëtare rreth gadishullit. Gjatë sundimit të Vëllazërisë Myslimane në Egjipt, organizata bijë e së cilës është Hamasi palestinez, marrëdhëniet u përkeqësuan ndjeshëm. Pas grushtit të shtetit dhe ardhjes në pushtet të gjeneralit, Abdel Fattah al-Sisi në 2013, fqinjët u afruan përsëri. Në vitin 2021 dhe 2022, kryeministri izraelit udhëtoi në Egjipt për bisedime diplomatike. Tri ditë para sulmit të Hamasit, sipas informacioneve amerikane, Egjipti e paralajmëroi Izraelin për një sulm nga Gaza, ndoshta në një nivel të ulët. Kryeministri izraelit Benjamin Netanyahu e mohon këtë, ndërsa Kajro nuk e ka komentuar. Jordania është një tjetër vend fqinj i izraelit, me nëj pjesë të konsiderueshme të popullatës me origjinë palestineze. Jordania konsiderohet zyrtarisht edhe si kujdestare e vendeve të shenjta islame në Jerusalem dhe financon shërbimet që menaxhojnë Malin e Tempullit. Në vitin 1994, Jordania dhe Izraeli bënë paqe, por nuk pati ndonjë afrim real për tre dekadat e ardhshme.