Një aksident i rëndë detar ndodhi në Ksamil, ku një jet ski u përplas me skafin e policisë kufitare, Nga goditja e fortë humbi jetën drejtuesi i Jet Ski Albjano Kreçi, 22-vjeç. I riu, sipas uniformave blu, ishte duke lundruar me shpejtësi të madhe në ujë, ndërsa skafi I policisë kishte ndaluar rreth 400 larg bregut duke monitoruar hapësirën detare. Si pasojë e përplasjes, u dëmtua 22-vjeçari, I cili u nxor menjëherë nga deti nga punonjësit e Policisë dhe drejtues të tjerë të mjeteve lundruese që ndodheshin në zonë, dhe u transportua me urgjencë në spital, por, si pasojë e dëmtimeve të marra, humbi jetën. Lidhur me rastin është ngritur një grup i posaçëm hetimor dhe, në bashkëpunim me Agjencinë e Mbikëqyrjes Policore, nën drejtimin e Prokurorisë, po kryhen veprimet për sqarimin e plotë të rrethanave dhe shkakut të ngjarjes. Ndërkohë nga ana tjetër një 37-vjeçar nga Laçi duke drejtuar një mjet lundrues në Liqenin e Ulzës, humbi kontrollin dhe ra në ujë. Por gjatë tentativës për të kapur mjetin lundrues ai dyshohet se u mbyt. Për rastin janë njoftuar polumbarët e RENEA-s për të bërë të mundur nxjerrjen e trupit të pajetë nga uji.