Një grua ruse fitoi lotarinë pasi një meteor i gjelbër misterioz përshkoi catinë e shtëpisë së saj. Gruaja nga Okulovka në rajonin e Novgorodit, në rusi, e pikasi dëmin pasi kishte lexuar një lajm për një lëmsh zjarri që ishte parë mbi Moskë, më 27 tetor. Pas inspektimit të pronës së saj ajo gjeti atë që dukej si një copë cimentoje ngjyrë gri mes copave të rëna nga catia. Më vonë ajo i nxori fragmentet në shitje dhe shkencëtarët nga Instituti i Gjeokimisë i Akademisë Ruse të Shkencave nxituan t'i blinin ato për një shumë të pazbuluar. Ekspertët konfirmuan se objekti ishte një meteorit shkëmbor i njohur si kondrit. Sipas studiuesve, objekti mori shkëlqimin e gjelbër të shndritshëm ndërsa digjej në hyrjen në atmosferë. Ata shtuan se mostra përmbante grimca hekuri dhe nikeli, gjë që është në përputhje me kondritet e zakonshme. Në një deklaratë të lëshuar më 15 nëntor, ata thanë: "U konfirmua se ishte me të vërtetë një meteorit. Dhe për shkak të veçantisë së ngjarjes, u mor një vendim i koordinuar për të hequr pjesën e dëmtuar të çatisë në mënyrë që më vonë të mund të shfaqet në një ekspozitë. Detajet e rënies së meteoritit dhe rezultatet e kërkimit do të prezantohen të enjten.