Në lagjen te Komuna e Parisit ku jetonte Eglant Koçi, ka pllakosur heshtja... Familja pret lajmin se ku është djali i tyre 34-vjeçar, me të cilin kanë humbur kontaktin që prej 4 qershorit. Të tronditur, ata shprehen jashtë kamerës se Eglanti ishte djalë i qetë, dhe kurrë nuk u kishte sjellë probleme, ndërsa presin përgjigje nga policia se çfarë ka ndodhur me të. Hetimet e deritanishme japin indicie se i riu mund të jetë vrarë nga miku i tij Armand Shalaj. Policia e ka të qartë kronologjinë e rrëmbimit të të riut. Shanaj dyshohet se e kishte ftuar për kafe Eglantin në biznesin e tij, ndërsa e ka marrë peng në katin sipër lokalit. Megjithëse tentoi të fshihte ngjarjen duke përdorur edhe kamerierin e lokalit për të fikur dritat, kamerat kanë kapur 41-vjeçarin duke dalë me një qese të zezë, e më pas niset me automjet në drejtim të paditur.