Pronari i një dyqani në kaliforni, ka bërë të ditur se një burrë i pastrehë, që jeton në rrugët e qytetit San Luis Obispo, fitoi një milion dollarë nga një biletë gërvishtëse e blerë në dyqan. Ai e përshkruan burrin e paidentifikuar si një klient të rregullt në dyqan dhe thotë se ai e meritonte cdo qindarkë. Fituesi, i cili nuk është identifikuar, nuk mundej as ta besonte se kishte fituar – tregon pronari. Ai kishte hyrë në dyqan, kishte gërvishtur biletën dhe kishte shpërthyer: O zot, kjo nuk mund të jetë e vërtetë...Nuk do të jem më i pastrehë...Në fakt, fatlumi mendoi në fillim se kishte fituar 100 mijë dollarë, para se shitësi ti tregonte se në fakt kishte fituar 1 milion. Sipas një deklarate nga ‘Lotaria e Kalifornisë’, nuk mund të ndahen informacione rreth një pretendimi deri sa fituesi të verifikohet. Zyrtarët bënë të ditur se shqyrtojnë 10 mijë pretendime për fitore, cdo muaj, dhe më shumë se 100 në vit kanë vlerën e 1 milion dollarëve ose më shumë.