Familja Castro në Kubë raportohet se i ka ofruar Donald Trump-it një ishull privat në një përpjekje të dëshpëruar për të ndaluar presidentin amerikan të shkatërrojë regjimin e tyre. Super resorti idilik Cayo Santa María do të riemërohet "Ishulli Trump" nëse presidenti amerikan heq sanksionet ndaj ishullit. Qeveria e ishullit po u ofron investitorëve hotele bosh dhe vijë bregdetare të pashfrytëzuar, duke përfshirë një biznes familjar të Emirateve të Bashkuara Arabe me ambicie për të ndërtuar një resort me markën Trump. Ndërkohë, disa imazhe me inteligjencë artificiale e tregojnë Trumpin me një këmishë me lule, duke pirë një Mojito pranë një qiellgërvishtëseje me emrin e tij, me pamje nga plazhet e Santa Maria-s. Administrata Trump ka mohuar se po zhvillohen negociata të drejtpërdrejta me familjen Castro mbi Cayo Santa Maria-n. Uashingtoni kohët e fundit paditi ish presidentin e Kubës, Raul Castro, për urdhërimin e rrëzimittë dy avionëve të një organizate kubaneze në mërgim me bazë në Miami, në të cilën u vranë katër kubano-amerikanë, në vitin 1996.