Një 57-vjecar humbi jetën mbrëmjen e kësaj të hëne në Durrës. Temperaturat e larta dyshohet të kenë ndikuar në gjendjen e tij shëndetësore. Ngjarja ndodhi në sheshin para stacionit të trenit, ndërsa burime nga policia vendore bëjnë me dije se një autoambulancë e dërgoi 57-vjeccarin në spital, por pavarësisht ndihmës mjekësore ai nuk ia doli dot. Bluzat e bardha thanë se ai pësoi atak kardiak fillimisht. Temperaturat e larta pritet të jenë prezente gjatë gjithë kësaj jave, ndërsa parashikohet që termometri të shënojë deri në 43 gradë. Kjo gjë pritet të sjellë probleme kryesisht për të moshuarit dhe fëmijët por dhe për rata që vuajnë nga sëmundje të ndryshme. Gjatë këtyre ditëve, mjekët kërkojnë që të evitohet dalja në diell gjatë orëve të pikut. Ndërsa këshillojnë që të qëndrohet kryesisht në vende të freskëta për të evituar të nxehtin.