Ndërsa hemisfera veriore është përfshirë nga një dimër i ashpër, në pjesën tjetër të globit, vecanërisht në Australi, temperaturat janë ngritur si jozakonisht shumë. Autoritetet kanë paralajmëruar miliona australianë për rreziqet "katastrofike" të zjarreve në shkurrnaja, ndërsa zjarrfikësit luftojnë me flakët e shumta të shkaktuara nga një valë të nxehti që ka mbërthyer vendin. Temperaturat parashikohet të kalojnë 40 gradët Celsius në pjesë të Australisë juglindore, duke nxitur disa nga kushtet më të rrezikshme të zjarreve në shkurrnaja që nga ajo që njihet si "Vera e Zezë" e viteve 2019-2020. Shefi i Autoritetit të Zjarrfikësve, Jason Heffernan, tha se vlerësimi i rrezikut nga zjarri në disa pjesë të shtetit të Viktorias do të arrinte në "katastrofik". Zyrtarët thanë se erërat e nxehta dhe të thata do të nxisin zjarret në shkurrnaja që janë "të paparashikueshëm, të pakontrollueshëm dhe që lëvizin me shpejtësi".