YouTube, platforma më e madhe e online e publikimit dhe shpërndarjes së videove do t’ui paguajë gati 25 milionë dollarë Presidentit Donald Trump për mbylljen e kanalit të tij në këtë platformë pas incidenteve të 6 janarit të vitit 2021 në Kapitol. Trump paditi YouTube dhe CEO-n e Alphabet, Sundar Pichai, duke pretenduar se platforma po e censuronte. YouTube tha se kanali i Trump u pezullua sepse kishte shkelur politikat e faqes kundër nxitjes së dhunës. Me arritjen e marrëveshjes, çështja u mbyll. Google nuk komentoi menjëherë. Lajmi vjen vetëm një javë pasi YouTube njoftoi se do të lejojë rikthimin e autorëve që më parë ishin ndaluar për përhapje të dezinformimit mbi Covid-19 dhe zgjedhjet presidenciale të vitit 2020. Në njoftim, kompania tha se e mbështet zërin konservator dhe fajësoi presionin e administratës së ish Presidentit Joe Biden për pezullimet.