Mjeku infeksionist Tritan Kalo ka bërë një postim në Facebook, ku u ka kujtuar kolegëve të tij “Betimin e Hipokratit”. Kalo shkruan se nëse nuk e kemi zgjidhjen për atë çfarë po ndodh me COVID-19, së paku mllefet politike të mos zbrazen në kurrizin e atyre që rrezikojnë jetën për t’u dhënë shpresë e ndihmë të sëmurëve me këtë virus. Më tej ai thekson se njerëzimi ka mundur kurdoherë të fitojë mbi çdo sfidë që e ka rrezikuar dhe së bashku do t’ia dalim. Duke e konsideruar këtë si kohë kovidiane, mjeku kërkon që … opinionistët të mos dëmtojnë jo vetëm imazhin e tyre, port ë mos sjellin as tollovi në jetën e njerëzve. “KEQARDHJE për disa kolegë, që në këto ditë të një “FLAME MBARËBOTËRORE” të Sars-Cov2/, të verbuar nga ethet për PUSHT-SHTET janë lënduar disi edhe mendërisht, duke e humbur fillin e një reagimi deontologjikisht të pranueshëm edhe nga “BETIMI i HIPOKRATIT”, i busullës orientuese të jetës profesionale të çdo MANTELBARDHI….- shkruan Kalo.