Dedan Gjoni, shefi i krimit në komisariatin numër gjashtë, krahas përkrahjes së eksponentëve të krimit, rezulton në hetimet e Prokurorisë së Posaçme se ka siguruar vota për një kandidat në zgjedhjet parlamentare të vitit 2021. Në një bisedë në aplikacionin SKY, Gjoni i kërkon Ismail Zenelit vota për kandidatin. Zeneli i thotë Gjonit që të flasë me vëllanë e tij se i siguron ai më shumë se 200 vota. Shefi i krimit në komisariatin numër gjashtë, ka pasur edhe biseda të tjera në këtë aplikacion ku rezulton se për shkak të miqësisë së ngushtë me kandidatin në zgjedhje, kërkon vota në mënyrë të paligjshme.