Periudha e marrëdhënieve paqësore mes Greqisë dhe Turqisë nuk zgjati as tre vjet. Pas tërmetit shkatërrues në Turqi, në shkurt të vitit 2023, dhe ndihmës që Greqia ofroi më pas, dy vendet fqinje filluan të afroheshin dhe në dhjetor 2023 nënshkruan Deklaratën e Athinës për Marrëdhënie Miqësore dhe Fqinjësi të Mirë. Deklarata pati një efekt pozitiv tek të dy popujt, por tani ky efekt duket se është zhdukur, shkruan DË. Shkak i tensioneve të vazhdueshme mes dy vendeve janë parqet detare në Detin Egje dhe Mesdheun lindor. Greqia dhe Turqia kanë qenë në mosmarrëveshje për dekada të tëra mbi demarkacionin e kufijve të tyre detarë në Detin Egje, si dhe të drejtat dhe pretendimet ekonomike që lidhen me këto kufij, duke përfshirë të drejtën për të shfrytëzuar burime të tilla si nafta. Ministria e Jashtme greke reagoi menjëherë ndaj njoftimit turk, i cili ka shpallur këto zona si parqe të vetat. Ajo i quajti shpalljet "të paligjshme".