Top News-I kërkuar në Gjermani për 36 ngjarje kriminale/Gjykata e Tiranës miraton ekstradimin e tij

Gjykata e Tiranës aprovoi ekstradimin drejt Gjermanisë të një personi të shumëkërkuar, i cili akuzohet për trafik të lëndëve narkotike nga autoritetet gjermane. Samet Durmus, alias Rizvan Farkandinov u arrestua në aerportin Nënë Tereza në Rinas më maj të këtij viti, teksa maskohej si refugjat ukrainas. Autoritetet gjermane kanë lëshuar dy urdhër arreste ndërkombëtare për të. Referuar të dhënave nga pala gjermane, 33 vjecari rezulton të qenë pjesë e një organizatë kriminale, që kishte për qëllim trafikimin e lëndëve narkotike në Gjermani në vitin 2002. Ai po ashtu dyshohet se ka qenë i përfshirë në 36 episode kriminale. Masat e sigurisë “arrest në burg” janë caktuar ndaj tij nga Gjykata e Shtutgartit, i pari në vitin 2021 dhe i dyti në maj 2022, pas prangosjes së tij në Shqipëri.