Ministrja serbe e Administratës Shtetërore dhe Vetëqeverisjes Lokale e Serbisë, Snezhana Paunoviç pretendoi se deklarata e saj “për spastrimin etnik të Kosovës” është nxjerrë nga konteksti, ndërsa i kërkoi falje Presidentit Aleksandar Vuçiç, Qeverisë së Serbisë dhe Kryeministrit Đur Matsut duke I quajtur as fajtorë dhe as përgjegjës. Ministrja e konsideroi keqdashëse që ‘vetëm 7 sekonda nga i gjithë emisioni" u nxorën nga konteksti dhe se u shndërrua në një çështje politike. Teksa falenderoi të gjithë ata që i qëndruan pranë gjatë dënimeve të deklaratës së saj, Paunoviç tha se është shumë krenare për mbështetjen që mori nga Partia Socialiste e Serbisë (SPS), anëtare e së cilës është. Në lidhje me kërkesën e opozitës serbe për shkarkimin e saj, Paunovic tha se nuk ishte e befasuar nga deklaratat e tyre, dhe se po e përdornin deklaratën për të arritur qëllimin e tyre. Përsa I përket vendimit të autoriteteve të Kosovës për ta shpallur atë person non grata, ministrja e cilesoi si një paradoks, duke deklaruar se vendimi për "ndalim të përhershëm" të hyrjes në Kosovë është marrë nga institucionet e përkohshme. Ajo rtha se prej 4 vitesh nuk kishte mundur të hyjë në Kosovë