Regjisori i njohur shqiptar Muharrem Fejzo ka ndërruar jetë në moshën 87-vjeçare nga COVID-19. Lajmin e trishtë e ka dhënë djali i tij, Joe Fejzo me anë të një postimi në rrjete sociale. “Lamtumirë babo. Pusho në paqe në krahët e të madhit Zot, e të gjithë të dashurve atje sipër. Më fal që nuk të përkëdhela dot, e s’të dhashë dot një got uje, nuk mertiton një ikje të tillë. Artisti ynë. Miku ynë. Babai i përgjëruar. Bashkëshorti i jetës”, shkruan ai. Muharrem Fejzo lindi në Kolonjë në vitin 1933. Ai kreu Liceun Artistik për skulpturë në 1954-ën. Fillimisht nisi punë si skenograf në operetat "Rusalka", "Nusja e shitur". Fejzo gjithashtu kreu studimet në degën e aktrimit dhe nga pasioni i madh që kishte për kinemanë. Më 1966 diplomohet për aktor dhe më tej si regjisor në Institutin e Lartë të Arteve. Muharrem Fejzo ka realizuar si regjisor me dhjetra filma nga më të njohurit të kinematografisë shqiptare si “Montatorja”, Operacioni “zjarri”, “Mësonjtorja” (1979), “Muri i gjallë”, etj. Por filmi i tij më i shquar është “Kapedani” ku ka qenë regjisor së bashku me Fehmi Oshafin. Fejzo mbante titullin “Naim Frashëri” dhe “Mjeshtër i Madh”.