Policia e Kosovës ka filluar të heqë targat e makinave që hyjnë nga Serbia, duke aplikuar masa reciprociteti ashtu siç deri më sot kanë bërë autoritetet serbe me makinat e regjistruara në Kosovë. Makinat që hyjnë nga Serbia duhet të pajisjen me targa të përkohshme në pikë-kalimet kufitare të Kosovës. Autoritetet në Kosovë po vendosin në veturat me targa të qyteteve të Serbisë, regjistrime të përkohshme për qarkullim brenda në Kosovë. Veturave po u vendoset në xhamin para dhe prapa. Qeveria e Kosovës ka thënë se të gjithë shoferët me targa të lëshuara nga Serbia, duhet të paguajnë 5 euro për targa të përkohshme dhe vlefshmëria e tyre është 60 ditë. Shumë qytetarë serbë janë mbledhur në pikëkalimet kufitare mes Kosovës dhe Serbi, në veri të Kosovës, për të shprehur pakënaqësinë e tyre për masat e reciprocitetit. Ministri i Punëve të Brendshme, Xhelal Sveçla u ka bërë thirrje qytetarëve serbë që të mos bllokojnë rrugët, duke shtuar se ata "nuk duhet të ndikoheni nga deklaratat politike, qëllimi i të cilëve është përhapja e panikës dhe frikës".