Forcat operacionale të Drejtorisë së Përgjithshme të Burgjeve ushtruan ndërmorën një operacion të befasishëm në paraburgimin e Durrësit, ku gjatë kontrolleve në godinën B sekuestruan një telefon. Burgjet njoftojnë se kontrollet u ushtruanë në bashkëpunim me Byronë Kombëtare të Hetimit dhe Prokurorinë e Posaçme, SPAK, pasi kjo e fundit kishte rënë në gjurmët se një i akuzuar prej saj komunikonte me personat jashtë duke cenuar provat e hetimit . Komunikata e Drejtorisë së Burgjeve nuk jep emrin e personit që është kapur me celularë në qeli, por burime për Top News pohojnë se ai është shtetasi Klevis Hoxhosmani. Ky i fundit është arrestuar në korrik të vitit të kaluar me urdhër të SPAK së bashku me vëllain e tij si pjesë e një grupi të strukturuar kriminal me aktivitet trafikun dhe shpërndarjen e drogës, kryesisht në Britaninë e Madhe. Drejtoria e Përgjithshme e Burgjeve ka ndërmarrë javët e fundit një seri kontrollesh për ndalimin e sendeve të paligjshme nëpër burgje.