Për muaj të tërë, që nga vera e shkuar, forcat ukrainase kanë kryer një kundërofensivë për të rimarrë qytetin jugor të Khersonit nga duart e rusëve, pa u detyruar të luftojnë rrugë më rrugë. Nën komandën e gjeneralit Valeri Zalushnyi, qëllimi i ushtrisë ishte të përdorte artilerinë precize perëndimore për të ndërprerë vijat e furnizimit të Rusisë përgjatë lumit Dnipro ndërkohë që minimizoheshin humbjet e ukrainës përballë një force shumë herë më të madhe të rusisë. Sulme me saktësi kirurgjikale vendosën në shënjestër depo municionesh, poste komande dhe dy ura që lidhnin me krimenë, që rusia e aneksoi në 2014-ën, për të izoluar gradualisht më shumë se 20 mijë trupa ruse. Strategjia kulmoi me disfatën e putinit ndërsa forcat ruse u tërhoqën nga qyteti i Khersonit dhe pjesë të tjera të provincës, një javë më parë. E pas suksesit të ukrainës në fushëbeteja, që nga fillimi i pushtimit rus në shkurt, qëndron dora e njeriut që ukrainasit e quajnë: Gjenerali i hekurt.