Forcat e armatosura suedeze kanë ndarë ushqime dhe ujë për afro 1 mijë makina dhe kamionë të bllokuar në borë prej afro 24 orësh. Skuadrat e shpëtimit thanë se po punonin për të liruar njerëzit e bllokuar në një prej rrugëve kryesore në vend, në zonën Skane, në suedinë jugore. Pjesa më e madhe e të bllokuarve u evakuuan nga skuadrat e shpëtimit dhe më vonë iu tha të ktheheshin në makinat e tyre. Kaosi në udhëtim ndodhi pasi temperaturat ranë ndjeshëm në të gjitha vendet nordike. Mot ekstremisht i ftohtë ka goditur pjesë të suedisë, finlandës dhe norvegjisë dhe stuhitë e borës në danimarkë kanë bërë që drejtuesit e mjeteve të bllokohen në një autostradë afër Aarhus, që nga e mërkura. Një stacion meteorologjik në suedinë veriore regjistroi edhe natën më të ftohtë në 25 vitet e fundit, mbrëmjen e të martës, me temperatrat që ranë deri në -43.6 gradë celcius. Sipas Mattias Lind, anëtar i agjencisë kombëtare meteorologjike, në suedi, bëhet fjalë për temperaturën më të ulët të janarit që suedia ka regjistruar që nga 1999. Në atë vit, në vendin skandinav ishte regjistruar temperatura -49 gradë celcius duke barazuar rekordin historik të shënuar në 1951. I ftohti rekord ka prekur edhe finlandën ndërkohë që në Lapponi, është regjistruar rekordi rajonal prej -38.7 gradësh celcius. Në fundjavë ndërkohë priten telashe për norvegjinë, pasi pritet një valë e fortë të ftohti atje. Sipas institutit meteorologjik të oslos, mes të shtunës dhe të dielës, në kryeqytet, temperaturat mund të zbresin deri në -27 gradë celcius.