Një vorbull polare ka mbështjellë pjesën lindore të SHBA-së gjatë fundjavës, me stuhitë e dimrit që morën 10 jetë njerëzish, nëntë prej të cilëve në Kentaki si pasojë e përmbytjeve të shkaktuara atje nga shirat e dendur. Shërbimi Kombëtar i Motit paralajmëroi për "të ftohtë jetë-kërcënues" të martën, me temperaturat në verilindje të Montanës që parashikohet të bien deri në -42.7 gradë Celsius, me erëra të ftohta deri në -51 gradë Celsius. Meteorologët thanë se disa shtete do të përjetojnë eventin e 10-të dhe më të ftohtë të vorbullës polare këtë sezon. Forcat e motit në Arktik po kombinohen për të shtyrë ajrin e ftohtë që zakonisht qëndron pranë Polit të Veriut drejt SHBA-së dhe Evropës. Në Kentaki, guvernatori Andy Beshear tha të dielën se numri i viktimave shkoi në nëntë. “Jam i trishtuar të ndaj disa lajme më të vështira sonte, Kentaki. Sapo konfirmuam një tjetër vdekje të lidhur me motin nga konteja Pike, duke e çuar humbjen tonë totale në 9 persona.” Beshear kishte thënë më herët të dielën se të paktën 1,000 njerëz të bllokuar nga përmbytjet duhej të shpëtoheshin. Presidenti Donald Trump miratoi kërkesën e Kentakit për një shpalljen e gjendjes së fatkeqësisë, duke autorizuar Agjencinë Federale të Menaxhimit të Emergjencave të koordinojë përpjekjet e ndihmës në të gjithë shtetin. Uji mbuloi makina dhe shtëpi në Kentaki ndërsa rrëshqitjet e dheut bllokuan rrugët në Virxhina gjatë fundjavës. Në alabama, u regjistruan tornado shkatërrimtare që shkatërruan ose dëmtuan shtëpi, shkulën pemë me rrënjë dhe rrëzuan linjat e energjisë elektrike. Ndërkohë, kanadaja është përballur me stuhinë e saj të dytë të borës në vetëm pak ditë, me banorët e montrealit që thonë se nuk është normale të kenë kaq shumë borë.