Pas deklaratave të kreut të Partisë Demokratike Sali Berisha se kur të vijë në pushtet do të shkrijë SPAK, kryeministri Edi Rama përmes rubrikës “Sy m’sy” theksoi se kjo nuk do të ndodhë pasi, sipas tij, PD dhe Berisha nuk do të fitojnë votat në zgjedhjet parlamentare që priten të mbahen më 11 maj. “Ata që duan ta kthejnë përmbys reformën janë përballë nesh me premtimin që do shkrijnë SPAK-un, nuk kanë për të marrë votën dhe SPAK-ut nuk kanë çi bëjnë fare” Kreu i Partisë Demokratike Sali Berisha u paraqit këtë të hënë në SPAK, për të zbatuar masën e sigurisë “detyrim paraqitje” të caktuar ndaj tij nga Apeli i GJKKO-së. Filll pas daljes nga ambjentet e SPAK Berisha mes tjerash deklaroi se nëse do të vijë në pushtet, këtë institucion do ta shkrijë, pasi sipas tij është jashtë kontrolli.