Dy persona u arrestuan si autor të dyshuar të djegies së automjetit të efektivit të policisë së Lezhës. Në pranga përfundoi Klaudio Gjokhilaj 24-vjeç dhe Klaudio Kovaci 22-vjeç. Ata u identifikuan nga kamerat e sigurisë rreth zonës. Sipas policisë dy autorët në bashkëpunim me njëri-tjetrin, mëngjesin e së hënës, dyshohet se për shkak të detyrës, i dogjën automjetin oficerit të patrullës së përgjithshme. Sipas burimeve dy autorët u panë dhe nga banorë të pallatit. Mjeti ishte I parkuar në lagjen Beslidhja, pak metra larg banesës së efektivit, kur dy të akuzuarit u afruan dhe pasi I hodhën lëndë djegëse I vendosën zjarrin. Nga flakët pati vetëm dëme materiale. Ndërkohë materialet procedural u referuan gjykatë për veprime të mëtejshme. Dy të rinjtë akuzohen për veprat penale "Kanosja për shkak të detyrës e kryer në bashkëpunim" dhe "Shkatërrimi i pronës me zjarr".