Ambasadori i Shteteve të Bashkuara, Eric Wendt ka mbërritur në Shqipëri, duke hapur kështu një kapitull të ri në misionin diplomatik amerikan në Tiranë. Kjo e premte e gjeti diplomatin amerikan në Tiranë. Të shtunën ai do i drejtohet Pallatit të Brigadave ku do t’i dorëzojë presidentit Bajram Begaj letrat kredeciale. Si çdo ambasador, edhe Ëend pas ceremonisë do të zhvillojë dhe një takim me kreun e shtetit e më pas do të nis misionin e tij, që pason në këtë detyrë Yuri Kim, e cila e mbylli punën e saj në vitin 2023 dhe për gjithë periudhën që pasoi largimin e ambasadores nga Tirana, në selinë diplomatike amerikane shërbeu e ngarkuara me punë, Nancy VanHorn. Po ashtu mësohet se ambasadori pas marrjes së detyrës do të zhvillojë një sërë takimesh të karta duke filluar nga ministri për Europën dhe Punët e Jashtme Ferit Hoxha, por dhe me figura të tjera të politikës.