Një shqiptar i dënuar me 25 vite burg po përballet me ekstradim nga Britania e Madhe. Kjo pasi ka qënduar në qëndruar në Britani për më shumë se 20 vjet si një azilkërkues fals duke siguruar edhe shtetësinë britanike. Sipas mediave të huaja Artan Muca kishte përdorur një identitet fals si një refugjat kosovar i luftës për ti shpëtuar burgut në vendin tonë. Muca u dënua me 25 vjet burg në Shqipëri në mungesë për vrasjen e dy personave me kallashnikov në një mosmarrëveshje në një dyqan bilardo. Ai besohet të ketë punuar si drejtor i një kompanie transporti nën identitet të rremë si Ilir Krasniqi para se të arrestohej në Londër nga njësia e ekstradimit të Scotland Yard. Aktualisht Muca ndodhet në paraburgim pas kërkesës për ekstradim nga Qeveria Shqiptare për vrasjen e dyfishtë në 1997.