Prokuroria e Vlorës ka sekuestruar pasuri me vlerë 400 mijë euro në pronësi shtetasit me iniciale A.Rr. dhe familjarëve të tij, për shkak se nuk ka arritur t’I justifikojë nga të ardhura të ligjshme. Bëhet fjalë për 3 apartamente, 3 automjete të markave Toyota Corolla, Volvo XC 60 dhe Mercedes benz GLA si edhe një njësi tregtare. Gjykata e Vlorës pranoi kërkesën e Prokurorisë, dhe vendosi në sekuestro preventive pasuritë e të dënuarit. Prokuroria njofton se personi me iniciale A.Rr. dhe familjarët e tij janë vënë nën hetim për veprën penale ‘Pastrimi i produkteve të veprës penale ose veprimtarisë kriminale’. Organi I akuzës bën me dije se nga hetimet rezultoi se shtetasi A.Rr., ka qenë i dënuar më parë për ‘Trafik të lëndëve narkotike’ dhe ‘Organizatë krimiale’, dhe nuk justifikonte pasuritë e krijuara.