Një person i shpallur në kërkim ndërkombëtar është arrestuar nga policia e Shtetit në Fier. 62 vjeçari rezulton i dënuar në Itali, për pjesëmarrje në një organizatë kriminale. Operacioni u finalizua nga Drejtoria e Forcës së Posaçme Operacionale, në kuadër të bashkëpunimit të ngushtë me autoritetet italiane, ku në pranga është vënë Alban Dauti. Ky i fundit i cili është dënuar me mbi 8 vjet burgim në Itali për pjesëmarrje në një grup kriminal dhe trafikim lëndësh narkotike. Ky operacion i realizuar në bashkëpunim me Interpol Tirana dhe autoritetet italiane ka si objektiv ekstradimin e Dautit për t'u përballur me dënimin në shtetin italian. Arrestimi i Dautit erdhi si rezultat i një pune të koordinuar dhe të përbashkët me partnerët italianë, të cilët kanë bashkëpunuar për identifikimin dhe arrestimin e personit të shpallur në kërkim.