Neutralizohet dhe prangoset një 55 vjecar, i cili ka terrorizuar në mesnatën banorët e Këlcyrës. Burimet zyrtare bëjnë me dije se Seit Alikollari kishte pasur një konflik për motive të dobëta me një tjetër shtetas, si pasojë edhe e gjendjes së tij të dehur, ka shkuar në banesë, ku ka marrë armën e zjarrit dhe është drejtuar për në banesën e personit me të cilin ishte konfliktuar. Autoritetet policore, si rezultat i kontrollit të territorit si dhe informacioneve të marra në rrugë operative, se ky shtetas po qarkullonte me armë zjarri, kanë kontrolluar zonën dhe si rezultat kanë mundur të identifikojnë 55 vjeçarin. Në momentin e ndërhyrjes së policisë, Alikollari ka qenë i armatosur me armë zjarri kallashnikov, të cilën ua ka drejtuar punonjësve të policisë. Mësohet se arma ka qenë me fishekë në fole, gati për qitje. Autoritetet policore neutralizuan situatën dhe vunë në pranga Seit Alikollarin. U sekuestuan në cilësinë e provës materiale arma e zjarrit dhe 2 krehra me fishekë luftarak. Materialet i kaluan Prokurorisë Pranë Gjykatës së Rrethit Gjyqësor Përmet, për veprime të mëtejshme.