Populisti krahut të djathtë, Javier Milei, ka fituar zgjedhjet presidenciale në Argjentinë të dielën, pas një fushate tejet polarizuese gjatë të cilës premtoi një ndryshim rrënjësor të vendit për t’u përballur me inflacionin e madh dhe rritjen e varfërisë. Në rrugët e Buenos Aires, shumë njerëz dolën për të festuar nëpër lagje të ndryshme. Milei, një anarko-kapitalist i vetëshpallur që është krahasuar me ish-presidentin amerikan Donald Trump, tha pas fitores së “rindërtimi i Argjentinës fillon sot”. “Argjentina është në gjendje kritike. Ndryshimet për të cilat ka nevojë vendi ynë janë rrënjësore. Nuk kemi kohë për t’u ngadalësuar. Nuk ka vend për masa të vakëta”, tha Milei. Kandidati peronist, nga partia në pushtet, e ka pranuar disfatën tashmë, duke thënë se argjentinasit “zgjodhën një rrugë tjetër”.