Daut Laze, është arratisur nga burgu i Shënkollit. Sipas autoriteve, 49-vjeçari vuan nga probleme të shëndetit mendor. Mungesa e të burgosurit Daut Laze është vënë re, në orët e para të mëngjesit të kësaj të marte, kur është bërë apeli. Pas ndërrrimit të turneve është konstatuar mungesa e pacientit, i lindur më 30 gusht 1976 në Çorovodë dhe banues në Tiranë. Pas kontrollit nga stafi i policisë në institucion, është vërejtur se ky shtetas me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit. Ai ishte arrestuar më 16 nëntor 2021 për dhunë në familje. Më 4 nëntor 2024, Gjykata e Shkallës së Parë Tiranë kishte vendosur ndaj tij masën mjekësore “Mjekim i detyruar në një institucion mjekësor”.