Një 28-vjeçar norvegjez, i shpallur në kërkim ndërkombëtar, është kapur në zonën e quajtur ‘Plepa’ në Durrës, në kuadër të operacionit të koduar “Fast”. Bëhet fjalë për shtetasin norvegjez Sebastian Templet, I akuzuar në Shqipëri për krime në fushën e narkotikëve dhe në Norvegji për krime kundër personit dhe kundër qetësisë publike. Për kapjen e 28 vjecarit u angazhuan specialistët e FAST Albania, në Drejtorinë Vendore e Policisë Durrës, Interpol Tirana dhe autoritetet norvegjeze. Ai ishte shpallur në kërkim ndërkombëtar, sepse autoritetet gjyqësore norvegjeze, në muajin prill të këtij viti lëshuan një urdhërarrest për të për kanosje dhe prishje të qetësisë publike. Ndërkohë, në Shqipëri, Gjykata e Apelit e Juridiksionit të Përgjithshëm i ka caktuar masën “Arrest në burg” për veprën penale “Prodhimi dhe shitja e narkotikëve”. Interpol Tirana, në bashkëpunim me autoritetet norvegjeze, vijon procedurat për ekstradimin e 28-vjeçarit drejt Norvegjisë.