Prej datës 7 gusht kanë hyrë në fuqi ndryshimet e reja në Kodin Rrugor të propozuara në maj të këtij viti, që parashikojnë ndëshkime të ashpra për shoferët që shkelin rregullat. Në një deklaratë për media, drejtori i Policisë Rrugore, Perlat Vatoci deklaroi se këto rregulla nuk kanë si qëllim masat ndëshkuese, por uljen e aksidenteve rrugore. Vatoci renditi rregullat e reja të ashpërsuara, sikurse është heqja e patentës përgjithmonë nëse ndalohesh në timon për herë të dytë nën efektin e alkoolit. Sinkron-Ndër ndryshimet kryesore, të cilat kanë hyrë në fuqi më datë 07.08.2026, evidentojmë:Shtyrjen e së drejtës për t’u pajisur me leje drejtimi deri në 1 vit për personat që konstatohen duke drejtuar mjete pa qenë të pajisur me leje drejtimi, ndërsa për të miturit kjo periudhë shtyhet me 2 vjet. Heqjen përgjithmonë të lejes së drejtimit kur një drejtues mjeti rezulton me një vlerë alkoolike më të lartë se 0,5 gram për litër (g/l) në gjak dhe është konstatuar e ndëshkuar më parë për drejtim mjeti nën ndikimin e alkoolit ose në gjendje të dehur. Po asht