Rebelët huthi kanë nisur një valë të re sulmesh ndaj Arabisë Saudite, ndërsa paralelisht po forcojnë pozicionet e tyre përgjatë bregut në Detin e Kuq. Zyrtarët jemenas thonë se përparimi i shpejtë i grupit ka nxitur diskutime urgjente në Riad për mënyrën e reagimit ndaj ofensivës. Përshkallëzimi vjen në një moment veçanërisht të ndjeshëm për rajonin, ndërsa shtetet arabe të Gjirit kanë shtyrë bisedimet e planifikuara me Iranin për gjetjen e një zgjidhje për hapjen e rrugëkalimit të naftës. Huthët deklaruan të hënën se kishin lëshuar dhjetëra raketa dhe dronë drejt një baze ajrore ushtarake në jug të Arabisë Saudite. Sipas grupit, në shënjestër ishin hangarët e avionëve, sistemet e radarëve, pistat dhe depot e municioneve. Huthët e cilësuan operacionin si hakmarrje ndaj bombardimeve ajrore saudite në Jemen. Autoritetet saudite aktivizuan alarmet e emergjencës në tre qytete të tjera në jug të vendit. Përhapja gjeografike e sulmeve ka shtuar pasiguritë e furnizimit global të karburanteve dhe janë reflektuar në bursë, ku çmimi i naftës ka tejkaluar 108 dollarët për fuçi.