Rebelët Huthi të Jemenit, të mbështetur nga Irani, kanë marrë kontrollin e ishujve Hanish i Madh dhe i Vogël në Detin e Kuq, duke forcuar pozitat e tyre pranë rrugës detare strategjike Bab al-Mandeb. Lajmi vjen në një kohë kur forcat qeveritare të mbështetura nga Arabia Saudite po përpiqen të riorganizohen pas përparimit të shpejtë të rebelëve përgjatë bregdetit perëndimor të Jemenit. Sipas zyrtarëve qeveritarë dhe një përfaqësuesi të Huthive, qindra forca aleate të qeverisë ishin tërhequr nga arkipelagu, duke i hapur rrugë vendosjes së luftëtarëve Huthi në ishuj. Huthitë kanë intensifikuar gjithashtu sulmet me dronë dhe raketa balistike ndaj objektivave në Arabinë Saudite. Grupi deklaron se sulmet do të vazhdojnë për sa kohë Arabia Saudite të vijojë bombardimet ndaj pozicioneve të tij në Jemen. Nga ana tjetër, përtej përpjekjeve të Arabisë Sauditë për të frenuar epërsinë e Huthëve, duket se objektivi nuk është arritur, pasi grupi vijon të avancojë. Po ashtu, Arabia Saudite i ka kërkuar presidentit të SHBA-ve, Donald Trump që të ndërhyjë, por nuk ka ende një reagim të qartë zyrtar nga ky i fundit.