Hunter Biden, djali i presidentit amerikan Joe Biden, doli këtë të martë para gjykatës në Delaëere, ku dha dëshminë e tij në lidhje me akuzat se ka mashtruar në plotësimin e një formulari për të blerë një armë në vitin 2018. Djali i presidentit deklaroi se është i pafajshëm, në një seancë që zgjati rreth 25 minuta, teksa hetimi do të vijojë, pasi ndaj 53-vjeçarit Hunter Biden janë ngritur tre akuza në muajin shtator. Gjatë plotësimit të një formulari për blerjen e një arme, Biden ka deklaruar se nuk është përdorues i drogës, por siç pranoi më vonë, rezultoi se kishte qenë i varur nga kokaina. Mashtrimi në formularin e blerjes së armës cilësohet si krim I rëndë në SHtetet e Bashkuara të Amerikës dhe Biden rrezikon të përballet me dënim deri në 25 vite burg. Biden përballet me akuzat në një kohë kur babai i tij, Joe Biden ka nisur fushatën për të garuar për një tjetër mandat në drejtimin e SHtëpisë së Bardhë. Edhe rivali kryesor i Biden, Donalt Trump po përballet me 4 akuza, ndërkohë që vijon fushatën brenda Partisë Republikane, për të fituar të drejtën e garimit ën zgjedhjet e 2024-ës.