Perëndimi mund të ketë marrë vendimin për t'i dhënë tanke Ukrainës, por debatet e brendshme të NATO-s janë shtuar pasi kryeministri hungarez Viktor Orbán po i kërkon Ukrainës të dorëzohet. Kryeministri i Hungarisë po vë në dyshim haptazi qëndrueshmërinë e Ukrainës si një shtet i pavarur pas luftës, ndërsa qeveria e tij ka mbushur rrugët e Budapestit me postera kundër sanksioneve. Kohët e fundit, në një mbledhje të përfaqësuesve të shquar konservator nga vende të ndryshme, Orban argumentoi se Rusia tashmë ia ka dalë ta kthejë Ukrainën në një gërmadhë të paqeverisur. Orbán shtoi se Vladimir Putin nuk do të humbasë dhe se koha është në anën e Rusisë, duke e quajtur Ukrainën një "zonë të vdekur".